உலக அமைதி - கட்டுரை

 முன்னுரை: 
         அமைதியே சமுதாயத்திற்கு நலம் செய்யும் என்பதை அனைவரும் அறிந்துள்ளனர். கடந்த நூற்றாண்டில் நடந்த இருபெரும் போர்கள், உலகைப் பல வகைகளில் அலைக்கழித்தன. ஆங்காங்கே நடைபெறும் தீவிரவாதிகளின் செயல்பாடுகள் அமைதியைக் கெடுக்கின்றன. உலகில் போரைத் தவிர்த்து, அமைதியை நிலைநாட்ட வேண்டிய அவசியத்தைக் குறித்து இனிக் காண்போம்.

உலகப் போருக்குக் காரணங்கள்:
                     அமெரிக்க நாடு, முதலாளித்துவக் கொள்கையைக் கடைப்பிடித்து வருகிறது. இங்கிலாந்து, பிரான்சு, மேற்கு ஜெர்மனி முதலிய நாடுகளும் ஆஸ்திரேலியாவும் இவற்றின் ஆட்சிக்கு உட்பட்டிருந்த இந்தியா முதலான நாடுகளும் அமெரிக்க அணியில் நின்றன. சோவியத் ரஷ்யா, சீனா, போலந்து, செக்கோஸ்லோவாகியா, யூகோஸ்லோவியா, கிழக்கு ஜெர்மனி முதலானவை ஓரணியில் நின்றன. இந்த இரு பிரிவுகளும் ஒன்றை ஒன்று எதிர்த்துப் 'பனிப்போர்' நடத்திக் கொண்டிருந்தன.

ஐக்கிய நாடுகள் சபை: 
        இரண்டாம் உலகப்போர் முடிவுற்ற நிலையில், போரால் உலகில் நிகழ்ந்த சிரழிவுகளைக் கண்டு திகைத்த உலக நாடுகளின் தலைவர்கள். 1945ஆம் ஆண்டு ஒன்றுகூடி, 'ஐக்கிய நாடுகள் சபை'யை உருவாக்கினார்கள். ஐ.நா.சபை உலக அமைதிக்குப் பல வகைகளில் பாடுபட்டு வருகிறது. சூயஸ் கால்வாய்த் தகராறு, பாலஸ்தீனத் தகராறு, கொரியப் போர், கியூபா, காங்கோ முதலான நாடுகளில் ஏற்பட்ட மோதல்கள் முதலானவை, பெரிய போர்களாக வெடிக்காமல் தடுக்க, ஐ. நா. சபை செயல்பட்டது. அல்ஜீரியா, சூடான், சைப்ரஸ், கினியா முதலிய நாடுகள், விடுதலை பெற்றுச் சுய ஆட்சி நடைபெற வழிவகுத்தது.

சான்றோர் விரும்பிய அமைதி: 
                           கணியன் பூங்குன்றனார், "யாதும் ஊரே! யாவரும் கேளிர்!" என்பதை முன்வைத்தார். இன்று இத்தொடர், ஐ.நா. சபைக் கட்டடச் சுவரில் பொறித்து வைக்கப்பட்டுள்ளது. இதை நம் தமிழ் இனச் சிந்தனையில் உருவெடுத்த கொள்கைக்கு கிடைத்த வெற்றி எனலாம். அண்மைக் காலத்தில் வாழ்ந்து மறைந்த புரட்சிக் கவிஞர் பாரதிதாசனாரும், ''கெட்ட போரிடும் உலகத்தை வேரொடு சாய்ப்போம்" என்று பாடினார்.

 இந்தியாவின் பங்கு:
       ஆசிய நாடுகள், குறிப்பாகத் தென்கிழக்கு ஆசிய நாடுகள், உலக அமைதியைப் பெரிதும் விரும்புகின்றன. ஆகவே, இந்தியாவின் தலைமையில், 'அணி சேரா நாடுகள்' என்னும் பிரிவோடு நடுநிலைக் கொள்கையைக் கடைப்பிடித்து, உலக அமைதியை நிலைநாட்ட முயன்று வருகின்றன. நேரு வகுத்தளித்த பஞ்சசீலக் கொள்கையில் பிடிப்பு உடையனவாக, அந்நாடுகள் செயல்படுகின்றன. ஆப்பிரிக்க நாடுகளும் இந்த அணியில் சேர்ந்து, உலக அமைதிக்குப் பணியாற்றுகின்றன.

முடிவுரை:
       அண்மைக் காலமாக உலகில் ஒரு பக்கம் இனவெறி தலை விரித்தாடுகிறது; இன்னொரு பக்கம் மதவெறி மக்களைப் பிடித்து ஆட்டுகிறது. 'இன விடுதலை' என்கிற பெயரிலும், 'மதப்பாதுகாப்பு' என்கிற பெயரிலும், 'மக்கள் விடுதலை' என்கிற பெயரிலும் உலகெங்கும், தீவிரவாதம் தலை தூக்கியுள்ளது. தீவிரவாதத்தின் ஆணிவேரைக் கிள்ளி எறிய, அமெரிக்கா முயன்று வருகிறது. ஐ.நா. சபையில் இடம் பெற்றுள்ள நாடுகள், தீவிர வாதத்தை ஒழிக்க, ஆதரவுக் கரம் நீட்டிவருகின்றன. அமைதிகாக்க அனைத்து நாடுகளும் ஒத்துழைக்க வேண்டும்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

பேச்சுப்போட்டி முன்னுரை-1 (தொடக்கஉரை)

பேச்சுப்போட்டிகள் பேசும்பொழுது முன்னுரை, அதாவது பேச்சின் தொடக்கஉரை எவ்வளவு தெளிவாக இருக்கிறதோ எவ்வளவு நேர்த்தியாக இருக்கிறதோ அதை பொறுத்து நடுவரின் கவனத்தையும் பார்வையாளர்கள் கவனத்தையும் உங்களால் ஈர்க்க முடியும்.தொடக்கஉரை எந்த அளவிற்கு எதுகை மோனை கலந்து சுவையாக இருக்கிறது என்பதை பொறுத்து உங்களுக்கு பரிசு கிடைப்பதும் நிச்சயம் கைகூடும். எதுகை மோனையாக பேசி, பேச்சில் பட்டையை கிளப்பி பார்வையாளர்களை அசத்த கீழ்கண்ட முன்னுரைகளை பயன்படுத்திக் கொள்ளுங்கள்... இது போன்ற பல முன்னுரைகளுக்கு கீழே உள்ள நமது youtube சேனல் லிங்கை பார்க்கவும் Click Here For Our Youtube Channel முன்னுரை - 1 "ஏ டு தூக்கிப் பள்ளியில் இன்று பயிலும் பையன் தான், நாடு காக்கும் தலைவனாய் நாளை விளங்க போகிறான். தித்திக்கும் தேன்தமிழ் திக்கெட்டும் பரவட்டும் முத்தமிழ்தாய்க்கு என் முதற்கண் வணக்கங்கள். எதிர்காலம் பேய்குலத்தில், எதிர்நீச்சல் போட்டு நித்தம் நான் பேசிட எழுதிட பேதமை புரிந்திட  நடுவர் அவர்களே, ஆசிரிய பெருமக்களே, வருங்கால தூண்களே, எதிர்காலம் நீங்களே, என் அன்பினிய மாணவச் செல்வங்களே, ஆன்றோர்களே, சான்றோர்களே, என்னை போன்றோர்...
Read more »

பசுமையும் பாரம்பரியமும் - பேச்சுப்போட்டி,

பழையன மறவாப் பண்பால்  பண்பாடு போற்றும் சிறப்பால் தமிழ்ப்பால் மீது கொண்ட விருப்பால் அறத்துப்பால் மீதுள்ள ஈர்ப்பால் பொருட்பால் கிடைத்த மலைப்பால் இன்பத்துப்பால் நடக்கும் உள்ளன்பால் நாவும் இனிக்கட்டும் கரும்பால் புவியெங்கும் ஒலிக்கட்டும் தமிழ்ப்பால்! இணைப்பால் இருகரம் குவிப்பால் வரவேற்கிறேன் அனைவரையும் எனது அன்பால்... பசுமையும் பாரம்பரியமும் .... "பத்துப் பன்னிரண்டு - தென்னைமரம் பக்கத்திலே வேணும் - நல்ல முத்துச் சுடர்போலே - நிலாவொளி முன்பு வரவேணும், அங்கு கத்துங் குயிலோசை - சற்றே வந்து காதிற் படவேணும், - என்றன் சித்தம் மகிழ்ந்திடவே - நன்றாயிளந் தென்றல் வரவேணும்" . என்றார் பாரதி.  இந்த கவிதை ஒன்றே போதும் எம் நாட்டின் பசுமையும் பாரம்பரியமும் பற்றி தெரிந்துகொள்வதற்கு  "நெல்லின்றேல் உணவில்லை உணவின்றேல் உயிரில்லை உயிரின்றேல் உலகமில்லை உலகமின்றேல் உலகாளும் மன்னனில்லை எல்லாம் நெல்லுக்குள் அடக்கம் நெல்லுக்குள் மன்னனும் அடங்கும் எண்ணமுடியா பெருமைசார் நெல்போல வாழ்க" எ ன மன்னனுக்கு வாழ்த்துரைத்த அவ்வையின் வழி வந்தது எம் பாரம்பரியம்.  "கேட்கா வரத்தைக் கேட்க நான் துணிந்தேன் ம...
Read more »

சுற்றுச்சூழல் பாதுகாப்பு -பேச்சுப் போட்டி

அகழ்வாரை தாங்கும் புவியே, செந்தமிழ் மொழியே,  தேன் தமிழ் சுவையே,  இங்கு கூடியிருக்கும் அவையே, அவையில் இருக்கும் பெருந்தகையே, நேரிய பணி செய்ய காத்திருக்கும் கூரிய அறிவுபடைத்த எம் இளம் காளையர்களே, கன்னியர்களே...  உங்கள் அத்துனை பேரையும் வணங்கி முடித்து  பேசப்போகிறேன் என்  தலைப்பை பிடித்து " இயற்கையின் தலையில் நாம் சுத்தியலால் அடிக்கிறோம் பின்பு அது எப்படி நகர்கிறது என்று நாம் வேடிக்கை பார்க்கிறோம்" என்கிறார் ஒரு ஆங்கில அறிவியல் அறிஞர்... வீடும் நாடும் நமது இரு கண்கள். வீடானாலும் சரி நாடானாலும் சரி அதை சுத்தமாய் வைத்திருப்பது நம் கடமை.... தூய்மை என்பது நமது சுய நடவடிக்கைகளில் இருந்து வருகிறது... இதைத்தான் நம் முன்னோர்கள் " கூழானாலும் குளித்துக் குடி, கந்தை ஆனாலும் கசக்கி கட்டு, புறந்தூய்மை நீரான் அமையும்" என்று கூறுகின்றனர். காற்று மாசுபாடு, நீர் மாசுபாடு, ஒலி மாசுபாடு என நமது சுற்றுப்புறம் அநேக மாசுபாடுகளால் சீரழிந்து வருகிறது. இளைஞர்களாகிய நாம் இதை எப்படி தடுத்து நிறுத்த முடியும், கண்டிப்பாக முடியும் நம்மால் மட்டுமே விடியும்...  " சின்னஞ்சிறுசெல்லாம் சிகரெட்...
Read more »