பழந்தமிழர் பண்பாடு


முன்னுரை: 
          'தமிழ்'. மிகப் பழைமையான உயர்தனிச் செம்மொழி, தமிழைப் பேசிய 'தமிழ் இனம்'. அம்மொழியினும் தொன்மையானது. அப்பழைமையான தமிழ் இனத்தின் பண்பாட்டையும், பெருமையையும் கற்போர் அறிவர். இனித் தமிழரின் பழைமையான பண்பாடு பற்றிக் காண்போம்.

பண்பாடு:
        பண்படுத்துவது என்பதனால், உருவாவது பண்பாடு ஆகும். மனிதன் பண்பட, அவன் உள்ளம் பண்பட வேண்டும். மனித உள்ளம் பண்படுவது என்பது, பெரும்பாலும் அவன் கற்கும் கல்வியால் எனலாம். கல்வி என்பது இன்று உள்ளதுபோன்ற ஏட்டுக்கல்வி மட்டும் அன்று; 'நாகரிகம்' என்பது மக்களின் திருந்திய வாழ்க்கை ஆகும். 'பண்பாடு' என்பது திருந்திய ஒழுக்கமாகும். சுருக்கமாகக் கூறுவதானால், 'உள்ளத்தின் செம்மையே பண்பாடு ஆகும். பண்பாடு நாகரிகத்தினும் சிறந்ததாகும்.

பண்பாட்டுச் சிறப்பு: 
       'பண்பு எனப்படுவது பாடு அறிந்து ஒழுகல்' எனக் கலித்தொகை, பண்பாட்டுக்கு இலக்கணம் கூறுகிறது. அதாவது, உலக வழக்கம் அறிந்து ஒழுகுதலே பண்பாடாகும். பெருமை, சான்றாண்மைக் குணங்களைப் பெற்றவருக்கு இது இயலும். எனவே, பண்டைத் தமிழர் இப்பண்புகளைப் பெற்றிருந்ததும், பண்பாட்டில் சிறந்திருந்ததும் விளங்கும். பண்பாடு என்பது. உள்ளத்து உணர்வின் அடிப்படையில் அமைவதாகும். அது பல்வேறு நல்லியல்புகளின் தொகுப்பாகும். அது பெரும்பாலும் சொல்லாலும் செயலாலுமே வெளிப்படுவதாகும். பழந்தமிழர் பண்பாடு, தனிச் சிறப்புடையதாகும்.

வாழ்க்கை முறை: 
       பண்டைத் தமிழர் இல்வாழ்க்கையை உயர்வாகப் போற்றினர். அதனால் இல்லறம் தழைத்திருந்ததாகத் தெரிகிறது; மகளிர் வீரமுடைய ஆண்களையே மணக்க விரும்பினர். எனவே, ஆண்மக்கள் வீரமுடையோராகவே விளங்கியுள்ளனர். வீரர்களை மணக்க விரும்பிய பெண்டிரும், தம் மக்களை வீரமுடையோராகவே வளர்த்தனர்; வீரமிலா மகனைப் பெறுவதை இழிவெனக் கருதினர். போர்க்களம் சென்று விழுப்புண் பெறாத நாளை, ஆண்கள் வீணே கழிந்த நாளாகவே எண்ணினர். மகன் போர்க்களத்தில் விழுப்புண்ணுடன் வீழ்ந்துபட்டான் என்பதையே உயர்வாகக் கருதினர்.

மானமே பெரிது: 
        தமிழர் மானத்தை உயிரினும் மேலாகப் போற்றினர். 'மானம் இழந்தபின் வாழாமை முன்இனிதே' என வாழ்ந்தமைக்கு எடுத்துக்காட்டாக விளங்கியவன் சேரமான் கணைக்கால் இரும்பொறை மன்னன். பொதுவாகத் தமிழ்ச் சான்றோர், மானத்தை இழக்கும் நிலை ஏற்பட்டபோது, உயிரை விடுத்து மானத்தைக் காத்தனர்.

முடிவுரை: 
       பண்டைத் தமிழர், தம் சுற்றத்தை மட்டுமன்றி, எல்லாரையும் தம் உறவினராகவே கருதினர்; எந்த நாட்டையும் தம் நாடாகவே போற்றினர்; எல்லாரும் வாழவேண்டும் என்கிற உயரிய பண்பைப் பாதுகாத்தனர்; தேவாமிருதமாயினும், விருந்தினரோடு பகிர்ந்துண்டனர்; அஞ்ச வேண்டியவற்றிற்கு மட்டுமே அஞ்சி வாழ்ந்து, பொதுவாக அச்சமிலாது இருந்தனர்; பிறருக்குப் பயன்பட வாழ்ந்தனர்; உயரிய பண்பாட்டைக் கடைப்பிடித்தனர்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

பேச்சுப்போட்டி முன்னுரை-1 (தொடக்கஉரை)

பேச்சுப்போட்டிகள் பேசும்பொழுது முன்னுரை, அதாவது பேச்சின் தொடக்கஉரை எவ்வளவு தெளிவாக இருக்கிறதோ எவ்வளவு நேர்த்தியாக இருக்கிறதோ அதை பொறுத்து நடுவரின் கவனத்தையும் பார்வையாளர்கள் கவனத்தையும் உங்களால் ஈர்க்க முடியும்.தொடக்கஉரை எந்த அளவிற்கு எதுகை மோனை கலந்து சுவையாக இருக்கிறது என்பதை பொறுத்து உங்களுக்கு பரிசு கிடைப்பதும் நிச்சயம் கைகூடும். எதுகை மோனையாக பேசி, பேச்சில் பட்டையை கிளப்பி பார்வையாளர்களை அசத்த கீழ்கண்ட முன்னுரைகளை பயன்படுத்திக் கொள்ளுங்கள்... இது போன்ற பல முன்னுரைகளுக்கு கீழே உள்ள நமது youtube சேனல் லிங்கை பார்க்கவும் Click Here For Our Youtube Channel முன்னுரை - 1 "ஏ டு தூக்கிப் பள்ளியில் இன்று பயிலும் பையன் தான், நாடு காக்கும் தலைவனாய் நாளை விளங்க போகிறான். தித்திக்கும் தேன்தமிழ் திக்கெட்டும் பரவட்டும் முத்தமிழ்தாய்க்கு என் முதற்கண் வணக்கங்கள். எதிர்காலம் பேய்குலத்தில், எதிர்நீச்சல் போட்டு நித்தம் நான் பேசிட எழுதிட பேதமை புரிந்திட  நடுவர் அவர்களே, ஆசிரிய பெருமக்களே, வருங்கால தூண்களே, எதிர்காலம் நீங்களே, என் அன்பினிய மாணவச் செல்வங்களே, ஆன்றோர்களே, சான்றோர்களே, என்னை போன்றோர்...
Read more »

பசுமையும் பாரம்பரியமும் - பேச்சுப்போட்டி,

பழையன மறவாப் பண்பால்  பண்பாடு போற்றும் சிறப்பால் தமிழ்ப்பால் மீது கொண்ட விருப்பால் அறத்துப்பால் மீதுள்ள ஈர்ப்பால் பொருட்பால் கிடைத்த மலைப்பால் இன்பத்துப்பால் நடக்கும் உள்ளன்பால் நாவும் இனிக்கட்டும் கரும்பால் புவியெங்கும் ஒலிக்கட்டும் தமிழ்ப்பால்! இணைப்பால் இருகரம் குவிப்பால் வரவேற்கிறேன் அனைவரையும் எனது அன்பால்... பசுமையும் பாரம்பரியமும் .... "பத்துப் பன்னிரண்டு - தென்னைமரம் பக்கத்திலே வேணும் - நல்ல முத்துச் சுடர்போலே - நிலாவொளி முன்பு வரவேணும், அங்கு கத்துங் குயிலோசை - சற்றே வந்து காதிற் படவேணும், - என்றன் சித்தம் மகிழ்ந்திடவே - நன்றாயிளந் தென்றல் வரவேணும்" . என்றார் பாரதி.  இந்த கவிதை ஒன்றே போதும் எம் நாட்டின் பசுமையும் பாரம்பரியமும் பற்றி தெரிந்துகொள்வதற்கு  "நெல்லின்றேல் உணவில்லை உணவின்றேல் உயிரில்லை உயிரின்றேல் உலகமில்லை உலகமின்றேல் உலகாளும் மன்னனில்லை எல்லாம் நெல்லுக்குள் அடக்கம் நெல்லுக்குள் மன்னனும் அடங்கும் எண்ணமுடியா பெருமைசார் நெல்போல வாழ்க" எ ன மன்னனுக்கு வாழ்த்துரைத்த அவ்வையின் வழி வந்தது எம் பாரம்பரியம்.  "கேட்கா வரத்தைக் கேட்க நான் துணிந்தேன் ம...
Read more »

சுற்றுச்சூழல் பாதுகாப்பு -பேச்சுப் போட்டி

அகழ்வாரை தாங்கும் புவியே, செந்தமிழ் மொழியே,  தேன் தமிழ் சுவையே,  இங்கு கூடியிருக்கும் அவையே, அவையில் இருக்கும் பெருந்தகையே, நேரிய பணி செய்ய காத்திருக்கும் கூரிய அறிவுபடைத்த எம் இளம் காளையர்களே, கன்னியர்களே...  உங்கள் அத்துனை பேரையும் வணங்கி முடித்து  பேசப்போகிறேன் என்  தலைப்பை பிடித்து " இயற்கையின் தலையில் நாம் சுத்தியலால் அடிக்கிறோம் பின்பு அது எப்படி நகர்கிறது என்று நாம் வேடிக்கை பார்க்கிறோம்" என்கிறார் ஒரு ஆங்கில அறிவியல் அறிஞர்... வீடும் நாடும் நமது இரு கண்கள். வீடானாலும் சரி நாடானாலும் சரி அதை சுத்தமாய் வைத்திருப்பது நம் கடமை.... தூய்மை என்பது நமது சுய நடவடிக்கைகளில் இருந்து வருகிறது... இதைத்தான் நம் முன்னோர்கள் " கூழானாலும் குளித்துக் குடி, கந்தை ஆனாலும் கசக்கி கட்டு, புறந்தூய்மை நீரான் அமையும்" என்று கூறுகின்றனர். காற்று மாசுபாடு, நீர் மாசுபாடு, ஒலி மாசுபாடு என நமது சுற்றுப்புறம் அநேக மாசுபாடுகளால் சீரழிந்து வருகிறது. இளைஞர்களாகிய நாம் இதை எப்படி தடுத்து நிறுத்த முடியும், கண்டிப்பாக முடியும் நம்மால் மட்டுமே விடியும்...  " சின்னஞ்சிறுசெல்லாம் சிகரெட்...
Read more »